Четири лица, вклучувајќи го и мажот кој ја предизвикал експлозијата, загинале додека се обидувал да ја напушти Украина на границата со Белорусија, соопштија локалните власти.
Инцидентот се случил на железничката станица во Овруч, во регионот Житомир, а уште десет лица се повредени, наведува полицијата.
За време на контрола на документи, еден маж на перонот извадил експлозивна направа, која експлодирала. Три жени, вклучувајќи службеничка од граничната служба, загинале во експлозијата.
Украинската државна гранична служба соопшти дека осомничениот, 23-годишен жител на Харков, починал во болничка амбуланта по укажаната прва помош. Тој претходно бил задржан поради обид за незаконско преминување на државната граница.
Потсетуваме, украинскиот претседател Володимир Зеленски вовел воена состојба во 2022 година поради ескалација на конфликтот, со цел забрана за напуштање на земјата за мажи на возраст од 18 до 60 години, а подоцна им овозможил патување на мажи од 18 до 22 години.
Од февруари 2022 година, најмалку 650.000 мажи способни за воена служба ја напуштиле Украина, според извештајот на „The Telegraph“. Украинските власти се соочуваат со голем проблем со избегнување на мобилизација, а видеа на социјалните мрежи покажуваат како регрутирачки офицери трчаат по потенцијални војници, што предизвикува растечко незадоволство кај јавноста.
