Повеќе од милион и пол луѓе во јужна Газа се соочуваат со катастрофални услови, а нивното здравје е сериозно загрозено, предупредуваат Лекари без граници.
Исселувањата, уништувањето на инфраструктурата и колапсот на здравствениот систем создаваат идеални услови за ширење болести.
„Израелските власти мора веднаш да овозможат пристап на хуманитарна помош“, истакнува организацијата.
Според Лекари без граници, двегодишната офанзива ги оставила жителите „трауматизирани, повредени и изложени на сериозни опасности“.
Без итни подобрувања во водата, хигиената, засолништата и храната, многумина можат да умрат од болести што може да се спречат.
