На 5 ноември 2025 година, во 19:55 часот, полициски службеници од Полициското одделение Групчин лишија од слобода Џ.Б. (37) од село Желино, тетовско. Според пријавеното, околу 17:15 часот истиот ден, тој заедно со уште неколку лица физички ги нападнале Б.И. (33) и неговиот татко И.И. (53) од село Стриминица, додека тие извршувале работни задачи на регионалниот пат Желино-Скопје.
При нападот, дел од сторителите им се заканиле со огнено оружје и метални предмети. Полицијата презема мерки за пронаоѓање на останатите учесници во инцидентот и за целосно расчистување на случајот, по што ќе следува поднесување соодветна пријава.
