[ВИДЕО] Трагедија во Бразил: Балон со топол воздух се запали и се урна – најмалку осум загинати

Најмалку осум лица го загубија животот кога балон со топол воздух се запали и се урна во сојузната држава Санта Катарина, во јужниот дел на Бразил. Несреќата се случила во областа Праја Гранде, а според првичните информации, во балонот имало вкупно 22 лица.

Гувернерот на Санта Катарина, Жоржињо Мело, изјави дека локалната заедница е во длабок шок поради трагедијата и дека спасувачките екипи сè уште трагаат по преживеани. Досега се потврдени две лица кои ја преживеале несреќата.

„Екипите не запираат со потрагата“, соопшти гувернерот утрово преку објава на платформата Икс. Властите сè уште ја утврдуваат причината за запалувањето на балонот.