Објавена драматична снимка од епицентарот на пожарот во Хрватска – вистински хорор [ВИДЕО]

Големиот шумски пожар што утрово изби во хрватскиот крајбрежен регион Писка се прошири кон соседните Марушиќи, при што предизвика значителна материјална штета. Иако состојбата сега е стабилизирана, противпожарните екипи и натаму работат на теренот за целосно локализирање на огнот.

Според досега достапните информации, во пожарот изгореле 12 куќи, една маслодајна и неколку пловни објекти. Дел од жителите биле евакуирани, а силниот ветер кој постојано го менувал правецот дополнително ја отежнувал интервенцијата.

Благодарение на брзата реакција и пожртвуваноста на пожарникарите, спречено е понатамошно ширење на огнената стихија и заштитени се преостанатите објекти.

Јавната противпожарна единица на град Сплит објави драматична снимка направена во Марушиќи, која го прикажува гасењето на пожарот во исклучително тешки услови – силен ветер, густ чад и огнени пламени кои се заканувале да проголтаат сè пред себе. Снимката веднаш предизвика силни реакции на социјалните мрежи, каде бројни корисници изразија благодарност и поддршка за храбрите пожарникари.