Градоначалникот на Битола, Тони Коњановски, им оддаде признание на организаторите на првиот „Car Show – Битола 2025“, кој викендов го претвори срцето на градот во сцена на моторна страст, стил и автомобилска уметност.
На настанот учествуваа 160 возила од 29 градови и 5 држави, што го направи собирот меѓународен и уникатен за регионот. Битола беше домаќин на љубители на брзината, олдтајмери, тјунинг мајстори и автомобилски клубови, обединувајќи генерации и вкусови околу заедничката пасија – автомобилите.
„Битола уште еднаш покажа дека има капацитет, публика и љубов за вакви настани. Честитки до Car Club Bitola што ја поставија Битола на мапата на ваков вид авто-собири,“ изјави градоначалникот Коњановски.
Настанот се одржа под отворено небо, со богата програма и атракции што привлекоа илјадници посетители и туристи. Според организаторите, ова е само почеток на една нова традиција во Битола.
![Објавена драматична снимка од епицентарот на пожарот во Хрватска – вистински хорор [ВИДЕО]](https://wsrv.nl/?url=https://eu-central-1.linodeobjects.com/cmsnebula/screenshot-2025-06-21-195115-1000x600.png&w=256&q=75&we)
![Изнајмила апартман во Хрватска на три минута до плажа, кога пристигнала ја дочекал најголемиот кошмар [ВИДЕО]](https://wsrv.nl/?url=https://eu-central-1.linodeobjects.com/cmsnebula/screenshot-2025-06-21-194303-1000x600.png&w=256&q=75&we)
