До вторник стабилно време, во среда локални врнежи – од четврток потопол период
Според прогнозата на Управата за хидрометеоролошки работи, до вторник не очекува период на стабилно и релативно суво време, додека во среда се можни локални врнежи од дожд.
Од четврток температурите постепено ќе растат, најавувајќи потопло и попријатно време кон крајот на неделата.
Денеска времето ќе биде променливо облачно, со повремени врнежи од дожд со слаб интензитет. Ќе дува слаб до умерен ветер, претежно од северен правец, а максималните дневни температури ќе се движат од 13 до 19 степени.
Во Скопје ќе преовладува променливо облачно време со повремен дожд и слаб до умерен северен ветер. Максималната температура во главниот град ќе достигне околу 16 степени.
