На територијата на државата, до 21:00 часот на 4 јули 2025 година, регистрирани се вкупно 23 пожари на отворен простор, од кои 5 се активни, 2 се локализирани, а 16 се целосно изгаснати, информира Центарот за управување со кризи (ЦУК).
Активни пожари (5):
– Општина Прилеп: кај село Бешиште гори приземна мешана шума, со обновен крак кој се шири кон село Градешница, Општина Новаци.
– Општина Македонски Брод: пожар кај село Црешнево зафатил деградирана дабова шума и грмушки.
– Општина Арачиново: во село Орланци е зафатена ниска вегетација и стеблеста шума.
– Општина Гази Баба: кај село Брњанци гори депониран отпад.
– Општина Зрновци: пожар во село Зрновци, кој зафатил стрниште и шумски појаси.
Локализирани пожари (2):
– Општина Македонска Каменица: кај село Мошица, каде што е опфатена борова шума.
– Општина Делчево: пожар на градската депонија е ставен под контрола.
Изгаснати пожари (16):
Меѓу изгаснатите пожари се издвојуваат интервенциите во:
– Шуто Оризари, село Визбегово (депонија),
– Сарај, кај клучка Сарај (ѓубре),
– Гази Баба, патот кон село Смилковци,
– Илинден, ридот кај Ајватовци,
– Прилеп, со два пожари: еден кај вештачкото езеро, друг кај Маркова чешма,
– Ресен, село Езерани,
– Тетово, во близина на ЕВН,
– Гостивар, кај село Врапчиште,
– Куманово, кај техноцентарот Алфи,
– како и повеќе пожари во Радовиш, Валандово, Кочани и Штип.
Центарот за управување со кризи повторно апелира до граѓаните да бидат крајно внимателни при престој и движење во природа, особено во жешките и суви денови. Во случај на забележан пожар, веднаш да се пријави на бесплатниот број за итни случаи 112.
