Тешки телесни повреди здобил 21-годишниот К.С. од с.Оризари, кочанско, откако вчера попладне управувајќи мотоцикл „хонда“ удрил во паркирано патничко возило „опел“ со штипски регистарски ознаки, сопственост на О.Г.(55) од Кочани.
Несреќата се случила на ул. „Роза Петрова“ во Кочани, а мотоциклистот бил пренесен и констатиран со тешки повреди во Комплекс клиники „Мајка Тереза“ во Скопје.
На местото на настанот бил извршен увид од увидна екипа на ОВР Кочани за утврдување на причините за несреќата.
