Полицијата во Гостивар приведе 69-годишен маж откако при претрес во неговиот дом и помошни простории биле пронајдени оружје и поголемо количество муниција.
Како што информира МВР, на 6 октомври полициски службеници од ОВР Гостивар го лишиле од слобода У.Р. (69) од Гостивар. Претресот бил извршен врз основа на судска наредба.
При претресот била пронајдена и одземена автоматска пушка со рамка со шест куршуми калибар 7,65 милиметри, како и уште една рамка со 17 куршуми од истиот калибар.
Покрај тоа, полицијата пронашла и повеќе кутии со вкупно 110 куршуми од различен калибар.
Лицето е задржано во полициска станица, а по целосното документирање на случајот, против него ќе биде поднесена соодветна пријава.
