Пет лица биле приведени за време на вчерашниот концерт на светски познатиот диџеј Дејвид Гета, кој се одржа на Националната арена „Тодор Проески“ во Скопје.
Според информациите од Министерството за внатрешни работи, за време на настанот биле регистрирани две нарушувања на јавниот ред и мир, по што полициските службеници привеле вкупно пет лица.
Од безбедносен аспект, полицијата го оценува концертот како исклучително мирен, без посериозни проблеми во обезбедувањето на објектот и нормалното одвивање на сообраќајот.
И покрај големиот број посетители, протокот на публика пред почетокот и по завршувањето на концертот се одвивал без поголеми застои.
