Во родното село Глобочени денес беше одбележана 111-годишнината од раѓањето на големиот писател со македонско потекло – Стерјо Спасе. Делегација на Македонска алијанса за европска интеграција (МАЕИ), заедно со Ристо Дурловски, претседател на „Обединети Македонци“ од Канада, положи цвеќе на неговата биста, оддавајќи почит на животот и делото што оставија траен белег во културната историја.
Стерјо Спасе (1914–1989), роден во Глобочени и починат во Тирана, е еден од најзначајните основоположници на современата албанска литература, со длабоки корени во македонската традиција. Писател, антологичар, преведувач, учебникар и собирач на македонски народни умотворби, тој ги спои културите и ја пренесе приказната на Преспа надвор од нејзините граници.
„Глобочени и Преспа со право се горди што на Албанија ѝ дадоа еден бесмртен писател, чијшто дела се вградени во темелите на албанската книжевност и го осветлуваат придонесот на Македонците во албанското општество,“ беше истакнато на настанот.
