Украинците создадоа вистински кошмар за Владимир Путин – хаос во Москва, еве што се случува таму

Масовните напади со украински беспилотни летала предизвикаа хаос на главните аеродроми во близина на Москва. Руската служба за цивилно воздухопловство, Росавијација, воведе ограничувања за летови на аеродромите Шереметјево, Внуково, Домодедово и Жуковски.

По нападите, илјадници патници останаа заглавени на аеродромите, со одложени или откажани летови. Руски медиуми објавија снимки од луѓе кои чекаат во долги редици или спијат на подот на Шереметјево, најпрометниот аеродром во Русија по бројот на патници.

Министерството за одбрана на Русија соопшти дека ноќта биле соборени 117 беспилотни летала, од кои 30 над московскиот регион. Претходниот ден беа соборени 172 беспилотни летала, вклучувајќи 30 над Москва.

Дополнително, неколку илјади патници останаа заглавени на Далечниот Исток поради откажани летови кон европскиот дел на Русија. За олеснување на сообраќајот, руските власти лансираа дополнителни возови за враќање на патниците од Санкт Петербург кон Москва.