[ВИДЕО] Хорор во Бангладеш – воен авион се урна врз училишен кампус

Трагедија во Бангладеш: Воен авион се урна врз училишен кампус – најмалку еден загинат и 13 повредени

Во северниот дел на Дака, главниот град на Бангладеш, се случи трагична несреќа кога воен авион за обука тип F-7 се урна врз кампусот на училиштето и колеџот „Мајлстоун“, при што загина најмалку едно лице, а 13 други – меѓу нив и ученици – се повредени.

Инцидентот се случил околу 13:30 часот, околу 20 минути по полетувањето на авионот од базата. Уште додека наставата била во тек, леталото – од кинеско производство – ненадејно се срушило и по ударот се запалило. Пилотот не успеал да се катапултира и неговото тело е пронајдено на местото на несреќата.

Воздухопловните сили на Бангладеш веднаш реагирале и успеале да спасат четири повредени лица, кои биле итно пренесени во болница. Според последните информации, бројот на повредени продолжува да расте.

На теренот се присутни пожарникарски и медицински екипи кои работат на извлекување на повредените и обезбедување на областа. Причините за несреќата сè уште се истражуваат.