Се огласи Зеленски – познато каде се водат најтешките борби

Украинскиот претседател Володимир Зеленски вечерва изјави дека најжестоките борби во моментов се водат на Покровскиот правец, во областа Доњецк, на југоистокот на Украина, наведувајќи дека таму, како и изминатите недели, е забележана голема концентрација на руски сили.

„Окупаторите се обидуваат со сите можни методи да се утврдат“, изјави Зеленски во видеообраќање, пренесе агенцијата УкрИнформ.

Тој истакна дека разговарал со врховниот командант и началникот на Генералштабот на украинските вооружени сили за состојбата на фронтот и за планирањето на долгорочните воени операции.

Зеленски додаде дека ситуацијата во Купјанск, во Харковската област на истокот на земјата, е исклучително тешка, но украинската војска продолжува храбро да ги брани своите позиции.