Од синоќа во 19:30 часот Русија изврши комбиниран воздушен напад врз Украина со една балистичка ракета „Искандер-М“, 60 дронови „Шахед“ и неколку дронови-имитатори, лансирани од Курск, Брјанск, Милерово, Приморско-Ахтарск и Шаталово.
Украинската противвоздушна одбрана со радиоелектронска борба, беспилотни летала и мобилни огнени групи успеа да собори 40 дронови над северна и источна Украина до утринските часови.
Сепак, ракети и околу 20 дронови погодиле 12 цели во Харковската, Донецката и Днепропетровската област.
Според официјалните податоци, во изминатото деноноќие биле регистрирани 148 борбени судири на фронтот, од кои 51 во областа Покровск. Руската армија претрпела загуби од околу 900 војници и 4 тенка, пренесува Укринформ.
