Германија планира да купи над 600 системи за противвоздушна одбрана „Skyranger 30“ од компанијата Rheinmetall, во договор вреден повеќе милијарди евра, објавија германските медиуми.
Испораките треба да бидат завршени до 2030 година, а вкупната вредност на набавката надминува девет милијарди евра, според извори од германското Министерство за одбрана.
Одлуката доаѓа поради сè поголемата загриженост за неовластени активности на дронови и како дел од планот на владата за модернизација на противвоздушната одбрана на Бундесверот.
Системите „Skyranger 30“ се дизајнирани за заштита од дронови и нисколетечки цели. Нивниот радар може да открие големи воени дронови на растојание до 10 километри, а микродронови со тежина од само 250 грама на далечина до 6 километри.
