Германија ќе го финансира пакетот американско оружје за Украина во вредност од 500 милиони долари, изјави денеска германскиот министер за одбрана Борис Писториус на состанокот на таканаречената Рамштајн група, сојузници на Киев, во Брисел.
Пакетот ќе вклучува системи за противвоздушна одбрана, ракети „Патриот“, радарски системи, прецизно насочени артилериски ракети и муниција.
Писториус додаде дека вкупната дополнителна германска воена помош за Украина надминува две милијарди евра, а најави и испорака на уште два системи за противвоздушна одбрана IRIS-T, кои вклучуваат голем број ракети и проектили за одбрана кои се лансираат од рамо.
