Украински министер: Потребни ни 12–20 милијарди долари за набавка на оружје
На Украина следната година ќе ѝ требаат меѓу 12 и 20 милијарди долари воена помош како дел од новата НАТО иницијатива за набавка на американско оружје, изјави министерот за одбрана Денис Шмигал на безбедносен самит во Брисел.
Шмигал посочи дека, со соодветна финансиска поддршка од сојузниците, Украина би можела да произведе дури 10 милиони дронови во 2026 година, но предупреди дека земјата сè уште има недостиг од артилериска муниција со долг дострел, која е клучна во борбите против руските сили.
