Британец уапсен во Киев за планирање терористички напад – откриено што сакал да направи

Украинската безбедносна служба (СБУ) привела британски државјанин, за кого се сомничи дека бил агент на руската Федерална служба за безбедност (ФСБ) и планирал терористички напади во Украина, соопшти Генералното обвинителство.

Британецот пристигнал во Украина на почетокот на 2024 година како инструктор за обука на новомобилизирани војници, но подоцна започнал да соработува со руски разузнавачки служби за „лесна заработка“. Тој на Русија ѝ предал чувствителни информации за украинските сили, вклучувајќи детали за странски инструктори и локации на воени центри за обука.

Службата СБУ открила дека добил инструкции за изработка на импровизирана експлозивна направа и локација за заседа, по што бил приведен. Тој сега се наоѓа во притвор и се соочува со казна до 12 години затвор, со можно конфискување на имот.

Украинските власти продолжуваат да истражуваат дали има дополнителни околности и дали можат да се подигнат нови обвиненија, додека Русија продолжува да регрутира странски државјани за субверзивни операции.