Министерството за здравство соопшти дека се назначени нови вршители на должност директори во четири јавни здравствени установи во Скопје, кои стапија на функција од 7 август.
На чело на Универзитетската клиника за токсикологија доаѓа д-р Арѓенд Имери, кој го заменува досегашниот директор д-р Андон Чибишев.
Универзитетскиот институт за клиничка биохемија доби нова директорка – д-р Мимоза Бафќари-Бакији, на местото на д-р Николина Граздановска.
Д-р Игор Кузмановски е новиот директор на Универзитетската клиника за неврологија, преземајќи ја функцијата од д-р Фатмир Меџити.
На Универзитетската клиника за кардиологија нов директор е д-р Даница Петкоска Спирова, која го наследува д-р Беким Поцеста.
Од Министерството истакнуваат дека со новите именувања се очекува унапредување на управувањето со клиниките и подобрување на здравствените услуги за граѓаните.
