Жителите на неколку тетовски села утре ќе се соочат со прекин на електричната енергија поради планирани технички зафати на мрежата, информира ЕВН Македонија.
Според најавата, без струја ќе биде целото село Раотинце, како и фабриката Ротико во истото населено место. Прекинот ќе започне на 18 август 2025 година во 09:00 часот, а електричната енергија ќе биде повторно воспоставена до 14:00 часот.
Истовремено, прекин на електрична енергија ќе има и во село Копанце, каде што струјата исто така ќе биде исклучена од 09:00 до 14:00 часот.
Од компанијата апелираат граѓаните и фирмите навремено да ги преземат потребните мерки за да се подготват за најавениот прекин.
