Поради обилните врнежи во повеќе региони низ државата, водостоите на реките се зголемија, а поплавени се терени, подруми и земјоделски површини. Центарот за управување со кризи (ЦУК) и засегнатите општини се во постојана координација за справување со последиците од непогодите.
Директорот на ЦУК, Мухамед Али, ја следи ситуацијата од Дежурниот оперативен центар и редовно комуницира со градоначалниците на погодените општини. На терен се ангажирани екипи на јавните претпријатија, механизација и приватни компании за испумпување вода, расчистување и итни интервенции.
Засегнати региони се Ресен, Битола, Демир Хисар, Охрид, Крива Паланка и околината. Дежурните екипи ќе останат на терен и во текот на ноќта, а ЦУК продолжува да ја следи состојбата и да подготвува дополнителни мерки за справување со поплавите.
