Силен ветер го однесе металниот покрив на СОУ „Јосиф Јосифовски“ во Гевгелија, но за среќа, нема повредени. Инцидентот е пријавен, а на лице место веднаш се упатени службеници од МВР и надлежните институции.
Од Центарот за управување со кризи (ЦУК) информираат дека е известена ТППЕ Гевгелија, ЕЛС Гевгелија и ПС Гевгелија, кои ќе преземат сите потребни мерки за да се обезбеди безбедност и да се справат со последиците од настанот.
