Изградбата на автопатот Охрид–Кичево влегува во својата завршна фаза и напредува со одлична динамика, истакна премиерот Христијан Мицкоски.
Тој посочи дека се решаваат, како што рече, еден по еден наследените проблеми, при што најголем предизвик претставуваат свлечиштата и косините долж трасата.
Според него, првата галерија од вкупно 14 е целосно завршена и асфалтирана, оценувајќи ја како „вистинско инженерско чудо“ кое барало сложени градежни решенија поради планинскиот терен.
Мицкоски информираше дека со силно темпо се работи и на тунелите, кои се во завршна фаза на изградба, додека околу 34 километри од автопатот веќе се ставени во функција и се користат од граѓаните.
