Голем пожар на отворен простор избувна денеска во Штип, веднаш до првите куќи, а огнената стихија се шири кон ридот Исар.
Според првичните информации, пламените јазици се опасно доближени до станбени објекти, а од фотографиите од теренот може да се забележи дека дел од куќите се потенцијално загрозени.
Ова е втор голем пожар што во моментов беснее во источниот дел на државата. Засега нема информации за повредени лица, а се очекуваат повеќе детали од надлежните служби.
