Рускиот претседател Владимир Путин, според наводи во нова книга на новинарите Роман Баданин и Михаил Рубин, бил во близок однос со манекенката Алиса Харчева, која во 2010 година позирала во еротски календар наменет за подигање на неговата популарност пред враќањето на власт.
Во книгата „Цар лично. Како нè измами Владимир Путин“ се тврди дека самиот Путин го финансирал проектот и преку него дошол до контактите на младите девојки кои позирале. Според изворите, Харчева била повикана во претседателската резиденција, а потоа редовно го посетувала Путин речиси цела година.
Во тоа време таа успеала да се запише на престижниот универзитет МГИМО, иако претходно не го поминала приемниот за Московскиот државен универзитет. Според авторите, запишувањето било „подарок“ од Путин. Подоцна, медиумите објавија дека на 23 години станала сопственичка на луксузен стан во Москва, добиен преку блиски соработници на олигархот Аркадиј Ротенберг.
Дополнително, во книгата се наведува дека нејзиниот татко редовно добива месечни уплати од државна компанија, наводно за да молчи за врската.
Кремљ, како и во претходни случаи, ги отфрли обвинувањата. Портпаролот Дмитриј Песков изјави дека Путин „нема никаква поврзаност со лицата споменати во книгата“ и ја нарече приказната „чиста фикција“.
Извор: dailymail
