Американскиот претседател Доналд Трамп направи лапсус во радио-интервју со конзервативниот коментатор Марк Левин, изјавувајќи дека посредувал во мир помеѓу Азербејџан и Албанија.
Трамп се повикуваше на неодамна постигнатата мировна декларација меѓу Азербејџан и Ерменија, која ги доближи двете земји до завршување на повеќедеценискиот конфликт, но притоа ја замени Ерменија со Албанија.
„Видовте, тоа беше голем конфликт кој траеше 34, 35 години со… Албанија. Размислете за тоа“, изјави Трамп, притоа тешко изговарајќи го и името на Азербејџан.
Претседателот ја искористи приликата да ги пофали своите надворешнополитички потези, повторувајќи дека во текот на неговиот втор мандат биле завршени седум војни.
Иако декларацијата меѓу Азербејџан и Ерменија не го стави крај на 37-годишниот спор, се смета за значаен чекор кон мир, за разлика од „помирувањето“ со Албанија на кое Трамп погрешно се повика.
Trump is once again showcasing his high level of geography knowledge: the US president claimed to have reconciled "Aberbaijan" with Albania.
— NEXTA (@nexta_tv) August 20, 2025
He likely meant the conflict between Azerbaijan and Armenia… https://t.co/hEXoEtUYiX pic.twitter.com/6zDjxQHmeq
