Австрија е најпренатрупаната земја во светот според бројот на туристи во однос на населението, покажува истражување на платформата MoneyTransfers.com. Со околу девет милиони жители, земјата годишно ја посетуваат 32 милиони меѓународни туристи, што значи дека на секој Австриец доаѓаат околу 3,6 туристи.
Најголем дел од туристичкиот притисок е концентриран во главниот град Виена, познат како „градот на соништата“. Градот привлекува посетители со раскошната барокна архитектура, историските знаменитости и богат ноќен живот, поддржан од бројни ресторани, кафулиња и барови. Меѓу најпосетуваните атракции се дворецот Schönbrunn, Виенската државна опера и Природонаучниот музеј.
Додека Виена веќе е навикната на масовен туризам, сѐ поголем проблем претставува зголемениот интерес за помалите градови и села, кои често немаат соодветна инфраструктура за толкав прилив на гости.
