Плик полн со илјадници евра откриен во казино во Тетово – вработена обвинета за нелегални трансакции!

СВР Тетово поднесе кривична пријава против правно лице од Скопје, подружница во Тетово, М.С.(56) од Скопје, управител на правното лице и Ј.Ј.(27) од с.Раотинце, општина Јегуновце, вработен во правниот субјект, поради постоење основи на сомнение за сторено кривично дело „недозволена наплата или исплата во ефективни странски пари“. На 10/11.05.2025, при контрола во казино, бил пронајден плик со евра во различни апоени, за кои Ј.Ј. изјавила дека ги разменила во денари на клиенти – играчи во казиното.