Тригодишно девојче го загуби животот во тешка сообраќајна несреќа што синоќа се случи на патот Ниш – Сврљиг, во близина на селото Малча, Србија.
Во несреќата тешко се повредени нејзината петгодишна сестра, мајката (34) и таткото (35). Сите се хоспитализирани во Универзитетскиот клинички центар во Ниш.
На пациентката Т.Ѓ. (33) ѝ биле дијагностицирани тешки повреди на абдоменот, фрактури на двете бутни коски и десната подлактица. По итна абдоминална операција, таа е сместена на Одделението за интензивна нега.
Четиригодишното девојче има повреди на лицето и левото око и е хоспитализирано на Клиниката за детска хирургија и ортопедија.
Мајката, М.С. (34), има сериозни внатрешни повреди: контузија на црниот дроб и белите дробови, скршени ребра, фрактура на десното стапало и отворена рана на потколеницата. Таа исто така се наоѓа на интензивна нега.
И.С. (22), исто така повреден во несреќата, е примен со површински повреди на главата, градниот кош, долниот дел од стомакот и коленото и е задржан на набљудување.
Според првичните информации, повредените патувале во возило „фиат добло“, кое се судрило со „сеат“ управуван од 23-годишен возач кој поминал со полесни повреди.
