Тројца македонски државјани се осомничени за кривично дело оштетување на туѓ имот, откако во областа Цавтат во Хрватска биле оштетени сообраќајни знаци, корпи за отпадоци и информативни табли со налепници што содржеле кирилични букви, соопшти хрватската полиција.
Според информациите, по добиени пријави, службеници од граничната полициска станица Груда утврдиле дека објектите биле залепени со налепници поради што ја изгубиле својата првобитна намена и изглед.
Полицијата по пријавата пронашла двајца од осомничените, додека третиот бил лоциран следниот ден на аеродромот.
Станува збор за млади мажи на возраст од 23, 25 и 26 години, кои имале дозвола за престој во Хрватска.
