Во тек е масовен воздушен напад врз Израел, при што иранските власти соопштија дека се испратени над 100 ракети и дронови како дел од, како што наведуваат, „одмазда“. Израелската полиција потврди дека во Северниот округ е соборена експлозивна направа, а има и загинати и повредени на местото на настанот.
Израелската противпожарна служба соопшти дека реагира на неколку напади во обалските и северните региони, каде е забележана штета на станбени објекти и пожари на отворено. Екипите се на терен и работат на гасење и спасување.
Нападите доаѓаат во ек на растечкиот конфликт меѓу двете земји и се оценуваат како едни од најжестоките во последните децении.
