Украинските вооружени сили уништиле руски протуавионски ракетен систем „Бук-М3“, вреден околу 45 милиони долари, со прецизен артилериски напад. Акцијата ја спровела 15. извидничко-артилериска бригада „Црна шума“, која го открила местоположбата на системот и го координирала нападот. Целата операција е документирана и објавена на видео, но засега не се открива точното време и место на нападот.
Системот „Бук-М3“ е најсовремена верзија на советскиот „Бук“ и претставува клучен елемент на руската воздушна одбрана. Дизајниран е за уништување на авиони, крстосувачки ракети и дронови на средни растојанија, со домет до 70 километри и способност за гаѓање повеќе цели истовремено.
Неговото уништување се смета за значителен удар врз руските одбранбени капацитети на фронтот, бидејќи ваквите системи се наменети за заштита на критични позиции и логистички правци од воздушни закани.
