Трамп го откри непријатниот прекар со кој ја нарекува Меланија: Причината е уште понепријатна

Претседател на САД, Доналд Трамп, откри како ја ословува својата сопруга Меланија, дури и во интимни моменти, што предизвика големо внимание во јавноста.

За време на говор во Ајова на настанот „Почит кон Америка“, Трамп ненадејно скрена од темата и откри како изгледа нивната комуникација. Додека зборуваше за различни теми, од производство на етанол до УФЦ борби, се осврна и на прашањето за американската армија.

„Се сеќавам како ѝ реков на нашата голема Прва дама…“, започна Трамп, по што направи пауза и продолжи: „Ја нарекувам ‘Прва дама’, зарем не е тоа страшно? ѝ велам: ‘Лека ноќ, Прва дама, драга моја’, бидејќи така се потсетувам дека јас сум претседател. ѝ реков: ‘Прва дама, страшно е тоа што никој повеќе не сака да се придружи на војската’“.

Оваа изјава е особено интересна во контекст на минатото на Трамп, кој го избегна воениот сервис во Виетнам со медицински изговор за проблеми со ‘коскени израстоци’. Неговиот поранешен адвокат, Мајкл Коен, сведочеше пред Конгресот во 2019 година дека Трамп му признал дека ја лажел јавноста, изјавувајќи му: „Мислиш ли дека сум глуп? Не сакав да одам во Виетнам“.

Додека Трамп беше во Де Мојн, Меланија посетуваше пациенти во Националната детска болница во Вашингтон, каде разговараше со децата за нивните планови за Денот на независноста.