Градоначалникот на Битола, Тони Коњановски, заедно со директорката на Клиничката болница „Д-р Трифун Пановски“, д-р Ненси Лозанче, излезе на терен по добиена информација за пожар на тревна површина во близина на Инфективното одделение.
Противпожарната единица на Битола навремено интервенираше, го локализираше и го изгаси пожарот, спречувајќи негово ширење и заштитувајќи ги околните објекти од оштетување. Благодарение на координираната акција, не е причинета материјална штета.
