Руски сили извршија масовен напад врз југoисточниот украински град Запорожје во утринските часови во вторник, при што загина 41-годишен маж, а 13 лица се повредени, меѓу кои и две деца, соопшти регионалниот гувернер Иван Федоров. Нападите предизвикаа и голем број пожари во приватни домови и други објекти.
Според извештаите на украинските итни служби, пожарите зафаќаат површина од 350 квадратни метри во три станбени згради и 600 квадратни метри на бензинска пумпа.
Федоров наведе дека, според прелиминарните информации, руските сили извршиле десет напади со повеќецевни системи за лансирање ракети, при што биле оштетени 10 станбени згради и 12 приватни куќи.
