Американскиот државен секретар Марко Рубио оцени дека денешните средби во Женева биле „најпродуктивните и најзначајните“ во текот на мировниот процес досега. Тој изјави дека тимот на Вашингтон работи на „некои измени“ во мировниот план, засновани на предлозите од украинската страна.
„Имаме многу добар работен производ кој веќе е изграден врз основа на придонесите од сите релевантни страни, и сега разгледавме некои точки точка по точка. Постигнавме добар напредок, а нашите тимови сега се враќаат на работа за да ги усогласат предлозите и да се приближиме кон решение што и Украина и САД ќе го прифатат“, рече Рубио, пренесува Скај њуз.
Украинскиот функционер Андриј Јермак истакна дека состанокот бил многу продуктивен и дека процесот се движи кон „праведен и траен мир“. Тој изрази благодарност до САД, лично упатувајќи ја кон претседателот Доналд Трамп, и додаде дека делегатите ќе продолжат да работат на заеднички предлог со американските и европските сојузници во наредните денови.
