Рускиот претседател Владимир Путин изјави дека Москва не стреми кон војна со европските држави, но дека земјата е подготвена да возврати доколку дојде до ескалација од страна на Европа. Според него, условите што ги поставуваат европските сили за можен мировен договор за Украина се „целосно неприфатливи“ за Русија.
„Немаме намера да војуваме со Европа, но ако Европа го сака тоа и почне, ние сме подготвени од овој момент“, изјави Путин пред новинарите, непосредно пред средбата со американскиот претставник Стив Виткоф во Москва.
Тој ги обвини европските држави дека ја нарушуваат американската дипломатска иницијатива за ставање крај на војната во Украина. „Тие немаат мировна програма, тие се на страната на војната“, додаде Путин.
