Американскиот претседател Доналд Трамп го зајакна обезбедувањето на два настани по убиството на конзервативниот активист Чарли Кирк во Јута, објави Скај њуз.
Трамп присуствуваше на одбележувањето на годишнината од нападите на 11 септември во Пентагон и на бејзбол натпревар во Њујорк. Церемонијата во Пентагон беше преместена внатре од безбедносни причини, а за време на натпреварот беа воведени дополнителни мерки, вклучително и заштитно стакло пред претседателската ложа и присуство на снајперисти.
Претходно, Трамп преживеа обид за атентат во Пенсилванија за време на претседателската кампања, а Кирк беше убиен во средата додека настапуваше на Универзитетот во Јута.
