Огромна воена сила распоредена на границата со Украина – започнаа вежбите на ОДКБ во Белорусија
Во Белорусија пред 2 дена започнаа трите заеднички воени вежби на Организацијата на договорот за колективна безбедност (ОДКБ), со кодни имиња „Интеракција-2025“, „Потрага-2025“ и „Ешелон-2025“, соопштија белоруските власти.
Отворањето беше одбележано со свечена церемонија на Плоштадот на победата во Витебск, во меморијалниот комплекс посветен на советските војници, партизани и борци од Втората светска војна, пренесува „РИА Новости“.
На церемонијата присуствуваа началникот на Генералштабот и прв заменик-министер за одбрана на Белорусија, генерал-мајор Павел Муравејко, началникот на Здружениот штаб на ОДКБ, херој на Руската Федерација генерал-полковник Андреј Сердјуков, претседателот на Витебскиот окружен извршен комитет Александар Суботин, како и други високи претставници од земјите учеснички во маневрите.
Во воените вежби учествуваат контингенти од Белорусија, Казахстан, Киргистан, Русија и Таџикистан.
