Претседателот на Венецуела, Николас Мадуро, денеска изјави дека САД ја загрозуваат неговата земја со распоредување на морнарицата и дека акумулацијата на војски е дел од напорите за оправдување на можна интервенција против Венецуела. Тој истакна дека земјата нема да се покори“.
„Венецуела се соочува со најголемата закана која се забележала на нашиот континент во последните 100 години. Ваква ситуација никогаш не била видена,“ рече Мадуро на прес-конференција во Каракас, обраќајќи се пред цивилни и воени претставници.
Мадуро додаде дека неговата земја е мирна, но нема да поклекне пред заканите.
Тензиите меѓу САД и Венецуела се зголемија во последните недели, по распоредувањето на американската морнарица во Јужниот Карибски регион и околните води, што, според американските власти, е насочено кон одговор на заканите од латинскоамериканските нарко-картели.
Американскиот претседател Доналд Трамп го постави сузбивањето на нарко-картелите како централен приоритет на неговата администрација, како дел од пошироките напори за ограничување на миграцијата и обезбедување на јужната граница на САД.
