Главниот командант на украинската армија предупреди: Русија подготвува голема офанзива во регионот Харков
Главниот командант на украинските вооружени сили, Александар Сирски, во саботата предупреди на можно ново руско напредување во Харковскиот регион, дел од североисточна Украина кој од почетокот на руската инвазија во 2022 година е сцена на жестоки борби. Русија ова лето полека напредува на повеќе делови од фронтот, испраќајќи непрекинати бранови пешадија со цел да ја искористи предноста во бројност и муниција.
Во последните месеци руските сили се пробија во северниот украински регион Суми, каде создадоа мало упориште.
„Два дена ги поминав работејќи со единиците во Харковскиот регион“, напиша Сирски на својата Телеграм-страница.
Тој додаде дека го искористил времето за разговори со командантите, за анализа на ситуацијата на терен и проценка на потребите на војниците.
„Русите се обидуваат да не притиснат со бројност, но ние мора да бидеме подготвени и да ги примениме соодветните тактички и технолошки решенија за да го спречиме нивното напредување“, истакна Сирски.
