[ВИДЕО] Хаос во Буенос Аирес: Масовна тепачка на трибините со десетици повредени

Јужна Америка повторно беше сцена на хулиганизам и жестоки навивачки пресметки. На меч од Копа Судамерикана во Буенос Аирес, меѓу Индепендиенте и Универсидад де Чиле, дојде до масовна тепачка на трибините.

Инцидентот започнал кога гостинските навивачи почнале да фрлаат предмети кон домашната публика, по што следела возвратна реакција. Ситуацијата брзо ескалирала, а во конфликтот се вклучиле и полицијата и обезбедувањето, претворајќи го стадионот во вистинско бојно поле.

Според првичните информации, има десетици повредени, меѓу кои и потешко, како навивачи така и припадници на полицијата. Видеата од инцидентот јасно ја отсликуваат жестината на судирот.