Македонската тенисерка Лина Ѓорческа ја заокружи одличната недела со победа на Фјучерс турнирот W60 во Романија. Во финалето, Ѓорческа ја победи романската тенисерка Елена Руксандра Бертеа со 2:1 во сетови и ја однесе титулата дома.
Со оваа победа, Ѓорческа се искачи меѓу 250-те најдобри тенисерки во светот, а веќе следната недела има шанса дополнително да го подобри рејтингот на посилен Фјучерс W75 турнир.
Доколку оствари добар резултат, Ѓорческа може да се доближи до топ 200, што ќе ѝ овозможи учество на повисоко рангирани турнир и квалификации за Гренд слем турнирите.
Честитки за Лина за одличниот успех и напредокот во кариерата!
