Во Битола изминатата вечер владееше празнична атмосфера, откако навивачите до раните утрински часови ја чествуваа освојувањето на титулата, обезбедена со победата над Вардар во Скопје со резултат 30:32. Иако Вардар на свој терен му беше доволен и бод за шампионскиот пехар, сепак Еурофарм Пелистер ја забележа победата и го означи почетокот на големото славје.
Ова е третата узастопна титула за битолскиот клуб и вкупно деветта во богата клупска историја. Ракометарите пристигнаа во Битола со автобус околу полноќ, а прославата продолжи до зори.
За вечерва е закажана нова прослава која ќе започне во 20 часот пред Платото на Офицерскиот дом, каде се очекува да се соберат неколку илјади фанови на битолскиот тим.
