Македонскиот напаѓач Бојан Миовски и официјално е нов играч на Глазгов Ренџерс, откако денеска попладне ги мина лекарските прегледи и стави потпис на четиригодишен договор со шкотскиот гигант.
Според информациите, трансферот е вреден 2,6 милиони фунти, со можност да достигне 4,2 милиони фунти преку дополнителни бонуси.
Миовски доаѓа во Ренџерс по одличните настапи во дресот на Абердин, каде што се наметна како еден од најдобрите напаѓачи во шкотската Премиер лига. Со ова, тој станува еден од ретките македонски фудбалери кои направиле трансфер во клуб со богата европска традиција.
Очекувањата од Миовски се големи, а навивачите на Ренџерс веруваат дека тој ќе донесе свежина и ефикасност во нападот на тимот кој сезонава има амбиции и во домашното првенство и во европските натпреварувања.
