Во Хрватска започнува сезоната на берба на грозје, а големите вински производители повторно се соочуваат со недостиг на работна сила.
На интернет веќе има бројни огласи за берачи – лозарската компанија „Краутхакер“ во Кутјево бара 30 работници, „Беље“ во Барања 20, „Анѓелини Гачишќа“ 20, а „Будимци Дарда“ 10.
Дел од работодавачите нудат бруто плата од околу 970 евра месечно, што е минимална плата во земјата, додека други плаќаат по час, со износ меѓу 6 и 8 евра, односно дневница околу 50 евра. Сместување најчесто не е обезбедено.
Во источна Хрватска, берачите главно се постари лица – пензионери и невработени.
Бербата годинава започна порано од вообичаено, поради климатските промени, но лозарите очекуваат добра сезона со квалитетно вино и пристојни количини, пренесе Даница.хр.
