Милан Илоски, 26-годишниот напаѓач на Филаделфија јунион, блеска во МЛС со 11 голови и 2 асистенции на само 17 натпревари. Роден во Калифорнија, тој има и македонско државјанство и вели дека корените никогаш не ги заборавил.
– Семејството од страна на татко ми е целосно македонско. Растев со баба ми и дедо ми кои ми зборуваа на македонски. Гордо е чувството да носиш македонска крв – изјави Илоски.
Тој признава дека идејата да игра за Македонија му е привлечна:
– Имав разговори со играчи од репрезентацијата. Би била голема чест да се облече националниот дрес – вели напаѓачот.
Илоски веќе испиша историја во МЛС: прв хет-трик за Сан Диего и рекорден „покер“ за само 12 минути против Ванкувер. Сега во дресот на Филаделфија го постигна и првиот гол и асистенција, а македонската репрезентација може да биде следната голема сцена на неговата кариера.
