Се отвора нова можност за жителите на општина Илинден да добијат финансиска поддршка за набавка на велосипед. И оваа година, општината ја продолжува традицијата со објавување на Јавен повик во рамки на Програмата за финансиска поддршка на граѓани за 2026 година.
Граѓаните со постојано живеалиште во општината кои ќе купат нов велосипед во периодот од 2 март до 30 април 2026 година, ќе можат да добијат еднократна субвенција. Поддршката ќе изнесува половина од вредноста на возилото, но не повеќе од 4.000 денари по лице. Барањата ќе се обработуваат според редоследот на пристигнување – „прв дојден, прв услужен“.
Програмата има за цел да ја промовира употребата на велосипеди како чист и одржлив превоз, да ја поттикне сообраќајната култура и да ја заштити животната средина.
